ბლოგში გაგიზიარებ 4 რჩევას სამსახურსა და პირად ცხოვრებას შორის ბალანსისთვის

1. დაფიქრდი და შეაფასე

დაუთმე დრო იმის გაგებას, როგორ მოქმედებს შენი ცხოვრების სხვადასხვა ნაწილები ერთმანეთზე. გაითვალისწინე შენი ამჟამინდელი სამუშაო და ცხოვრებისეული მდგომარეობა. რამდენიმე კითხვა, რომელიც უნდა დაუსვა საკუთარ თავს:

• ვხარჯავ საკმარის დროს იმის კეთებაში, რაც ნამდვილად მომწონს?

• საკმარის დროს ვუთმობ იმ ადამიანებს, რომლებიც ჩემთვის მნიშვნელოვანია?

• ჯერ კიდევ ვგრძნობ თავს შესაბამისობაში ჩემს პროფესიულ და პირად მიზნებთან?

• რა სიტუაციაში ვგრძნობ თავს ჩაკეტილად? 

2. შეაფასე შენი პრიორიტეტები

მას შემდეგ, რაც უკეთ გაიგებ, თუ რისი შეცვლა გსურს, უნდა დაიწყო იმის განსაზღვრა, რა არის შენი პრიორიტეტი. კითხვები, რომლებიც უნდა დაუსვა საკუთარ თავს:

• რა არის ჩემთვის ყველაზე მნიშვნელოვანი და ვუთმობ თუ არა საკმარის დროს?

• რომელ ნაწილში შემიძლია კომპრომისზე წასვლა? რომელ ნაწილში მივდიოდი ძალიან ბევრ კომპრომისზე?

• რა შემიძლია გავაკეთო იმისთვის, რომ საკმარისი დრო დავუთმო ჩემს მიზნებსა და პირად ურთიერთობებს?

• რა ნაწილში შემიძლია გავაერთიანო ჩემი პასუხისმგებლობები, რათა ერთდროულად დავუთმო დრო ორივეს?

3. მართე შენი დრო

ახლა, როდესაც იცი, თუ რა არის შენი პრიორიტეტი - იქნება ეს მეტი დროის დახარჯვა სამსახურში, თუ დროის გატარება ოჯახის წევრებთან - მნიშვნელოვანია განსაზღვრო, თუ როგორ მართო შენი დრო უკეთესად.

გადახედე, როგორ ატარებ დროს ამჟამად და გამონახე გზები შენი გრაფიკის შესაცვლელად. მაგალითად, მსგავსი ამოცანების დაჯგუფება და მათი ერთად შესრულება დაგეხმარება, დაზოგო დრო და საკუთარ თავს სტიმულიც მისცე. 

4. დააწესე საზღვრები

საზღვრების დაწესება, დროის მენეჯმენტის გადამწყვეტი ნაწილია. ამ საზღვრის მიღმა მხარეებთან კომუნიკაცია თანაბრად მნიშვნელოვანია. თუ ვერ უპასუხებ ელ. წერილებს იმიტომ, რომ დროს შენს ოჯახთან ატარებ, შენმა გუნდმა ეს აუცილებლად უნდა იცოდეს.