თუ სამსახურს ეძებ, მაშინ რამდენიმე რჩევას გაგიზიარებ, რომელიც დასაქმების შანსს გაგიზრდის

1. შეიძინე ახალი უნარები ან გააუმჯობესე არსებული

თუ შენი უნარები ვაკანსიის მოთხოვნებს არ შეესაბამება, ამის დასაფარად ერთ-ერთი საუკეთესო გზა ახალი უნარების შეძენა ან არსებული უნარების გაუმჯობესებაა. ამისთვის:

• იპოვე შესაბამისი სასწავლო კურსები

• მიიღე მონაწილეობა სასერტიფიკატო პროგრამებში

• წაიკითხე წიგნები და სტატიები

• უყურე ვიდეოებსა და პოდკასტებს

ახალი უნარების შეძენით იქნები ინფორმირებული ახალი ტენდენციებისა და ტექნოლოგიების შესახებ, ეს კი დაგეხმაება შენი ცნობისმოყვარეობის სადემონსტრაციოდ და თვითშეფასების ასამაღლებლად.

2. განსაზღვრე შენი მულტიფუნქციური უნარები

მულტიფუნქციური უნარები არის უნარები, რომლებიც შეგიძლია გამოიყენო სხვადასხვა პროფესიაში, მაგალითად როგორიცაა: კომუნიკაცია, გუნდური მუშაობა, პრობლემის გადაჭრა და დროის მართვა. ამგვარი უნარების ქონა დაფასებულია დამსაქმებლების მხრიდან სხვადასხვა ინდუსტრიასა და სექტორში. 

შენი მულტიფუნქციური უნარების იდენტიფიცირებისთვის, იფიქრე იმ ამოცანებსა და პროექტებზე, რომლებიც უკვე შესრულებული გაქვს. როგორ იყენებდი შენს უნარებს მზნის მისაღწევად? ჩამოწერე შენი მულტიფუნქციური უნარები და მოიყვანე მაგალითები სადემონსტრაციოდ.

3. გამართე შენი რეზიუმე და სამოტივაციო წერილი

პოტენციურ დამსაქმებელზე პირველ შთაბეჭდილებას შენი რეზიუმესა და სამოტივაციო წერილის საშუალებით ახდენ.

• დარწმუნდი, რომ ხაზს უსვამ შენს უნარებსა და გამოცდილებას

• ნუ ჩამოთვლი მხოლოდ წინა სამსახურებსა და მოვალეობებს, ყურადღება გაამახვილე შენს მიღწევებსა და შედეგებზე

• გამოიყენე საკვანძო სიტყვები და ფრაზები ვაკანსიის აღწერილობიდან, ამით აჩვენებ დამსაქმებელს თუ რამდენად შესაფერისი ხარ ვაკანსიისთვის

მაგალითად, თუ ვაკანსია მოითხოვს მომხმარებელთა მომსახურების უნარ-ჩვევებს, მიუთითე, როგორ გაუმკლავდი მომხმარებელთა შეკითხვებს, საჩივრებს ან როგორ გაზარდე მომხმარებელთა კმაყოფილების რეიტინგი წინა სამსახურში.

4. იყავი მოქნილი

როდესაც ეძებ სამსახურს, იყავი მოქნილი და ადაპტირებადი. შეიძლება მოგიწიოს სხვადასხვა ვარიანტების განხილვა, როგორიცაა საცხოვრებელი ადგილმდებარეობის შეცვლა, ინდუსტრიის შეცვლა, ან დაბალ ხელფასსა და მოკლე კონტრაქტზე დათანხმება. 

მოქნილობა და ადაპტირებულობა დაგეხმარება იპოვო სამსახური, რომელიც დაგეხმარება უნარების განვითარებასა და კარიერულ წინსვლაში.

5. გააფართოვე კავშირები

კავშირების ქონა კარგი გზაა იმისთვის, რომ გაიგო დახურული ვაკანსიების შესახებ, მიიღო რეკომენდაციები და გაიგო მეტი შენთვის საინტერესო ინდუსტრიისა და დამსაქმებლების შესახებ.

გააფართოვე კავშირები ღონისძიებებზე დასწრებით, ონლაინ ჯგუფებში გაწევრიანებით, კოლეგებთან დაკავშირებით და მათთვის კითხვების დასმით. კავშირები დაგეხმარება გამოავლინო შენი პიროვნულობა, უნარები, ენთუზიაზმი, მიიღო უკუკავშირი და რჩევა პროფესიონალებისგან.

კარიერული კონსულტაციისთვის მოგვწერე